تراميسو بأقل تكلفة

بسم الله الرحمن الرحيم
السلام عليكم ورحمة الله وبركاته

وصفة اليوم عبارة عن ديسير إيطالي مع تغييرات في مكونات لتكون خفيفة على (بزيطيم)
الوصفة طبقتها من شيف شوميشة الصراحة راائعة هادي الوصفة و لذيذة

المقادير تكفي 4 فناجين صغير ممكن تستعملي أصغر منها لتعطيكي كمية أكثر

المقاديـــــــر:

5 علب من جبن كريمي (perly )
5حبات جبن كيري
2 بسكوي هرنيز (ديال درهم)
قهوة معصرة بدون سكر
2 معالق كبار كاكاو (صراحة انا مكبحبش طعم كاكاو لأنه مر فعملت مزيج من كاكاو مر و كاكاو نسكويك او كاوبيل )

الطريقتـــــــة:

بطراب كهربائي نمزج جبن كيري و جبن كريمي (perly)حتى يتجانسو مع بعض و نصيحة مني صفو الخليط ( أنا بقيت 5 دقايق و كنطرب الخليط و لكن لقيط كويرات صغيييرة ديال كيري . .. فملي غادة تجي تاكلي كريمة حتى تحسي بملوحة كيري فنصيحة صفو في مصفات باش يتجانسو 100% و طعم يتوازن و تحصو على كريمة لذيذة و حريرية القوام )