الرفيسة بالدجاج البلدي

الرفيسة بالدجاج البلدي

 الرفيسة بالدجاج البلدي 

مقادير وطريقة تحضير الرفيسة بالدجاج البلدي بالصور

  مقادير الرفيسة بالدجاج البلدي

واحد دجاجة بلدية او رومية او غير الاطراف + 4 بصلات او اقل
2 ماطيشات + ربطة قزبور و معدنوس مربوطين بالخيط
نصف زلافة عدس او زلافة حسب الرغبة
م ك راس الحانوت (المساخن)+ م ك سكين جبير +م ك خرقوم البلدي
معلقة كبيرة سمن حار + معلقة صغيرة إبزار + معلقة كبيرة حلبة + 2 ضروس تومة
نصف كاس زيت بلدية + الملح حسب الدوق
نصف كاس او اكتر حلبة (هادي غادي نطيبوها بوحدها بشوية المرق ديال الدجاج)
طريقة تحضير الرفيسة بالدجاج البلدي
نديرو العطرية والثوم والزيت ونصف كاس ماء
و نخلطو الكل مزيان و ندهنو به الدجاجة
من الداخل و الخارج و نخليوه يرقد على الأقل واحد الساعة عاد نزيد عليه بصلة مشلطة
و نشحروه شوية على نار مهيلة من الجهتين و نزيدو القسبر و معدنوس + معلقة كبيرة حلبة

من بعد ما نشحروه نزيدو البصلة المتبيقة مقطعة غليضة شوية كل نصف بصلة على 3 قطع
و نمرقوه بالماء و نسدو على الدجاج يطيب، منين نحسو به قرب يطيب نضيفو العدس
و نسدو من جديد وقبل العدس ما يطيب نحلو و نزيدو ماطيشة مقطعة على النصف
و نسدو شوية

مقادير وطريقة تحضير عجين الرفيسة بالدجاج البلدي
800 غ دقيق فوص
200 غرام دقيق سبيسيال "فينو"
ملح + ماء للعجن
زلافة زيت نباتية للدهن
نضع الدقيق و الملح 

و نبدا في العجن و ما تكونش العجينة قاسحة بحال ديال الرغايف شوية مرخوفة
نديرو كويرات شوية كبار و نخليوهم يرتاحو عاد نبداو نسرحوهم

خاص تكون عجينة رقيق بزاف ونبداو نشكلو بحال المسمن كدلك نخلوهم يرتاحو و على ما نساليو الأخرين

عاد نبدو نسرحوهم من جديد باش يجي رقيق و الطياب يدخل ليه وغير يبان كيتحمر نحيدوه

نفوروه في الكسكاس باش يبقى رطب

ونسقيو الرفيسة